Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

COVID-19 Second Wave zirchiang tur din rel

Mizoram-a COVID-19 Second Wave rawn thawk mek uluk leh chik zawka zirchiang (scientific Study) tur Research Team din rel a ni.

Inrinni-a Health Minister hova sawrkar mi pawimawh te SAD Conference Hall-a thutkhawm ah Health Minister Dr. R. Lalthangliana chuan tuna COVID-19 Second Wave rawn thawk mek hi kum kalta lam ami nen a ziarang leh a thawh dan a dang ta hle nia sawiin, Positive hmuhchhuah tawh zingah Case dangdai tak takte an awm bakah Vaccine pek lai mek nen a inkaihhnawih dante leh kan la hriat ngai loh thil chi hrang hrang a rawn ken tel avangin kan Data neih ang ang atangin a zia hi kan zirchiana, thuk zawka kan luhchilh a ngai nia a lan thu a sawi a, hri leng kan hmachhawn zel dan tur leh hun lo la kal zel turah chet lak dan tur kan hriatthiam theih nan a pawimawh hle tih a sawi bawk. Meeting hian Scientific Study nei turin IDSP, IMA, ZMC leh MZU tangkawp Research Team din an rel a, ruahmanna siam nghal a ni ang.

Comments

Chhiar Hlawhte