Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Chanmari VLTF te tanpui

Govt. Higher Secondary School Lunglei a NSS Unit te chuan nimin khan Serchhip Chanmari Veng VLTF te hnenah hri leng dona kawnga hman atan Rs. 30,000/- an hlan.

Serchhip Chanmari Veng VLTF hruaitute hnen atanga thu kan dawn danin Govt. HSS Lunglei in tanpuina an rawn pek te hi VLTF tanpuina atan Rs. 10,000 leh chhawmdawl ngai te chhawmdawlna tur Rs. 20,000/-; a vaiin Rs. 30,000/- a ni a, heng sum te hi GHSS Lunglei-a NSS Programme Officer, Vanlalsiami chuan nimin zing khan Serchhip Chanmari Veng VLTF Duty Post-ah an hlan a ni. Hetianga khaw hran atanga VLTF te tanpuina leh mi harsa te chhawmdawlna tur sum tam tham tak an dawng chu an lawm hle tih Serchhip Chanmari Veng VLTF hruaitute chuan an sawi a ni.

Chanmari Veng huamchhungah hian tun thla chhung hian COVID-19 hri kai mi 26 hmuh an ni tawh a, heng zinga mi 21 te chu enkawl dam ni tawhin tunah hian hri kai enkawllai 5 an la awm mek a ni.

Comments

Chhiar Hlawhte