Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Vawk thi 8 awm belh leh

Nimin chawhnu dar 1:00 atanga chhiarlet-a darkar 24 kalta chhungin Serchhip District-a ASF hri lenna hmunah Vawk thi 8 lai a awm leh a, Serchhip District-a ASF hri lenna hmuna Vawk thi chu za aiin a tam tawh.

    Serchhip-a AH&Vety Department chhinchhiahna atanga a lan danin darkar 24 kalta chhunga Vawk thi 8 zinga 6 hi East Lungdar ami niin a dang pahnih hi New Serchhip ami a ni a, heti hian Serchhip District-a ASF hri lenna hmun khaw 6-a Vawk thi chu 101 an tling tawh a, East Lungdar chu ASF avanga Vawk thi tamna ber niin Vawk 41 a thi tawh a, New Serchhip-ah Vawk 38 thi tawhin hmundang ah erawh Vawk thi a awm belh rihlo thung a ni.

Comments

Chhiar Hlawhte