Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Chanchin thar thenkhat :

Hri kai enkawllai 1222 awm

Inrinni khan Mizoram-ah Sample 2128 enfiah leh niin heng atang hian COVID-19 hri kai mi 168 hmuhchhuah leh an ni a, heng te nen hian Mizoram-a hri kai hmuhchhuah chu 6284 an tling tawh a ni. Nimin khan Mizoram-ah hri kai mi 61 te chu enkawl dam leh an ni a, heti hian nimin tlai dar 5:00 thlenga Mizoram-a hri kai enkawl dam chu 5046 ni tawhin hri kai zinga zaa 80.30 te chu enkawl dam an ni tawh a, hri kai enkawllai 1222 an la awm mek a ni. Hetihlai hian April 30-a hri kai hmuhchhuah J. Rawna (64), Dam Veng Aizawl chu nimin tlai dar 5:30 khan a boral a, Mizoram-a hri kai hmuhchhuah zingah nunna chan 16 an awm ta a ni.


Inhlawhna tur ruahman

Rural Development Minister, Lalruatkima chuan hripui leng karah ni 100 inhlawh dan tur ruahmanna siam a ni, a ti. RD Minister chuan Mizoram pumah chawhruala lakin MGNREGS hnuaiah April thla ah ni 11, May thla ah ni 12 leh June thla ah ni10 inhlawh turin ruahmanna siam a nih thu a sawi a, kumin atang hian Job Card Holder pakhatin nikhatah Rs. 233/- zel an hlawh tawh dawn a, kum kalta 2020-21 chhunga inhlawhna Rs. 225/- aiin Rs. 8 in a tam zawk nghe nghe a ni, a ti.


Vaccine pechhuak rihlo

Sawrkar laipui ruahmanna anga Inrinni kalta, May 1, 2021 atanga kum 18-44 inkar te COVID-19 hri danna pek tura tih chu Mizoram-ah chuan kalpui tan theih a ni ta lo a. Hemi chungchanga sawrkar thuchhuahin a tarlan danin kum 18 chung-lamte hri venna pekna tur hian sawrkar laipuiin a thlawna hri danna a rawn pek tawh sa chu hman theih a ni lova, kum 18-44 inkar pek tur bik hi State tinin a hranpa a an lei a ngai dawn a ni. Covishield Vaccine siamtu, Pune khawpuia hmunpui nei, Serum Institute Pvt. Ltd., Pune pawh Mizoram sawrkar chuan dawr tawhin, anni hian rampum-a pekchhuah tur an buaipui avangin rang takin an pechhuak theilo a ni.

Comments

Chhiar Hlawhte