Latest News

Central Jail-a hri kai hmuh chungchang sawiho a ni

Niminpiah-a Mizoram-a COVID-19 hri kai hmuhchhuah zingah Central Jail-a tang lai mi 20 lai an awm avangin nimin khan Home Minister, Lalchamliana chuan Home Department, Prisons leh DM&R Department hotute chu hma lak zui zel dan tura sawipui.

Home Minister Pisa-a he sawihona hunah hian Home Minister chuan Prisons Department lamin Central Jail a tang awm mek te leh venthawn ngai zual Staff te RT-PCR test nei tura CMO lama dilna an thehluh tawh chu chak taka bawhzui nise a ti a. Hetiang thil thleng hi a awm theih avangin District Jail lama thuneitute pawh theihtawpa lo fimkhur turin a chah a ni.

Central Jail-ah hian COVID-19 hri kai te dah hranna tur, Quarantine Facility pawh chawpchilh takin buatsaih a lo ni tawh a. Meeting chuan hri kai an lo pun zel palh thulha ruahmanna siam dan tur an sawiho bawk a ni. Central Jail a COVID-19 hri kai mi 20 te hi May 5, 2021-a tang dah thar atanga kai chhawng nia ngaih an ni a; chutih rualin Ward danga tang awm mek, mahni inringhlel te chu COVID-19 test neih pui thin niin hri kai dang hmuhchhuah an awm lo a ni.

Comments

Popular News (Last 30 Days)