Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Bye-election ah Candidate 4 ten dahkham an chawi

Serchhip Bial-a Assembly bye-election neih zawh taka Candidate mi 6 zingah mi 4 te chuan an dahkham, Security Deposit lakletna tur khawp vote an hmu phaklo.

Serchhip Bial Assembly bye-election neih zawh takah khan inthlanna chuh tur te chuan Nomnation paper an thehluh rualin Security Deposit Rs. 5000/- (Tribal tan bik) an thehlut vek a, he Security Deposit lalet leh tur hian Vote tla zawng zawng (NOTA tel lovin) atanga hmun ruk atang hmun khat (1/6) Vote hmuh phak a ngai thung a, hemi ang hian tun tum inthlanna a vote tla 16,523 atangin hmun ruk-a thena hmun khat, Vote 2753 hmu phaklo te chuan an Security Deposit hi an lalet thei lo a, Candidate te zingah ZPM Candidate, Lalduhoma leh MNF candidate, Vanlalzawma te tihloh chuan Security Deposit hi an chan vek dawn a ni.

Comments

Chhiar Hlawhte