Agriculture Department-a thawk ten thilpek sem

Zonuna Kawlni /

Serchhip District Agriculture Officer (DAO) hnuaia thawktu hrang hrangte chuan an sum leh pai thawhkhawm chu nimin khan Serchhip-a VLTF hrang hrangah an semchhuak.

Serchhip District Agriculture Officer (DAO) hnuaia thawktu DAO Office, ATMA leh FOCUS hnuaia thawktu hrang hrangte chuan COVID-19 hri leng avanga harsatna thleng mekah miharsa leh tanpui ngaite tanpuina atan an theih ang ang sum leh pai an thawhkhawm a, heng an sum leh pai thawh-khawm Rs. 40,000/- chu nimin khan Serchhip khawpui chhunga VLTF hrang hrang 12-an an sem a, Vengchung VLTF, Darnam VLTF, Chhim Veng VLTF leh Chanmari VLTF te Rs. 4000/- theuh semin a bak VLTF te Rs. 3000/- theuh an pe a ni.

Nimin-a heng thilpek sem tur hian Agriculture Department-a thawktute chu hlawm thum-ah insemin Serchhip DAO, Tlangtimawia Zote, ATMA-a Project Director Lalchhuansangi leh FOCUS-a District Project Manager, K. Lal-tlanmawia ten an ho a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »