Latest News

Bialtu MLA in VLTF a tlawh

Serchhip bialtu MLA, Lalduhoma chuan nimin khan a bial chhunga VLTF hrang hrangte tlawhin an mamawha hman turin pawisafai a hlan bawk.

Serchhip bialtu MLA atana thlan thar leh tun thla ni 11-a MLA atana lakluh a nih hnua a vawikhatna atan Lalduhoma hian nimin khan Serchhip bial hi rawn tlawhin chawhma lamah Serchhip khawpui chhunga VLTF hrang hrangte tlawhin chawhnu lamah Thenzawl, Buangpui leh Neihloh khua te a tlawh a. Heng a bial chhunga VLTF hrang hrang a tlawhna ah hian an dinhmun leh harsatna an neih te zawtin, mamawh leh puih an ngaihna ah chuan a hnena thlen thin tura a chah bakah a theih chin chinah puih zel a tum thu a hrilh a. Heng VLTF hrang hrangte hi an mamawha hman turin pawisafai a hlan bawk a ni.

Serchhip ZPM Block Committee chuan Serchhip bialtu MLA, Lalduhoma hian thlantlin leh a nih atanga kar hnih khat hnu maiah Bial mamawh, COVID-19 hrik ai phurhna tur Motor hmanna tur thla khat atan Rs. 30,000 a rawn tum nia sawiin, Kuthnathawktute mamawh, Mat Phai Chamdur zau-a Link Road laihna atan Rs. 1,50,000/- a rawn tum sak tawh bawk tih an sawi a. Bial mamawh an thlen te ngai pawimawha rawn phurhu vat zel thin Bialtu MLA kan nei chu lawmawm an tih thu an sawi a ni.

Comments

Popular News (Last 30 Days)