Latest News

School kai tan hun tur hriat theih ala ni lo

School Education Director, James Lalrinchhana chuan, COVID-19 hripui leng avangin Academic Session thar 2021-22 atana sikul kai tan hun tur hriat theih a la nih loh thu a sawi.

School Education Director chuan May 4, 2021 atanga sikul kal tan hun tura ruahman tawh chu State Disaster Management Authority hnuaia State Executive Committee (SEC) thuchhuak angin suspend a nih thu a sawi a, COVID-19 hrileng dinhmun thlirin sikul kal tan hun tur ruahman a nih tur thu a sawi.

HSLC leh HSSLC exam result chu a hun tur ruahman lawk, June chawlhkar hmasa ber ah tihchhuah tum a nih thu sawiin, James Lalrinchhana chuan, “Tunhnai ah HSLC result peihfel tep a nih tawh thu report kan dawng a, hetiang bawk hian HSSLC pawh a hun takah tihchhuah theih kan inbeisei,” tiin, India ram state hrang hrang zingah a hun taka result tichhuak thei an nih te pawh a beiseiawm niin a sawi bawk.

Comments

Chhiar Hlawhte