Teirei lui-a Lei dawh a him tawklo niin hria

National Highway-44A Darlak leh Bawngva inkar Teirei lui-a Lei dawh hna thawh mek chu a him tawklo ni a an hriat avangin Mamit Sub-Hqrs. YMA leh Taitesena Group YMA te chuan thawk chhunzawm tawhlo turin an hriattir.

NH. 44-A kawngpui siam hnathawh mek-a Teirei lui-a Lei dawh hi nikum May 27 zan-a Tuilian in a tihchhiat hnuah Ratna Company te chuan thawmthat hna an thawk leh mek a. Hei hi Mamit Sub-Hqrs. YMA leh Taitesena Group hruaitute chuan Inrinni khan enfiahin thawh chhunzawm tlak ni a an hriat loh thu an sawi a, a thar-a he Lei dawh hna hi thawh a nih theih nan hmala turin thuneiture an ngen tih an sawi a ni. YMA hruaitute chuan he Lei a chhiat avang hian lirthei lian ten bungrua full load-in an phur thei lo a, a tuartu chu mipui an nih thu an sawi bawk a ni.

Mamit Sub-Hqrs. YMA leh Taitesena Group YMA hruaitute chuan he Lei siam hna hi a tha tawk lo hle tih sawiin, tuilian hian tichhe lo pawh ni se kumkhat pawh a tlin hmaa tuiin a tihchhiat dan leh a ban (pillar) lang thei chinah pawh hun rei daih tur nia a lan loh thu an sawi a, mithiam te pawhin enfiah ngei e an duh thu an sawi bawk.