Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Khawzawl-ah DRDA Office thar hawn a ni

Rural Development Minister, Lalruatkima chuan Inrinni khan Khawzawl Darngawn Veng-ah District Rural Development Agency (DRDA) Office a hawng.

Khawzawl-a DRDA Office hawnna puala inkhawm Zaingen YMA Hall-a buatsaihah RD Minister, Lalruatkima chuan Khawzawl District-in DRDA Office an neih theihna tura theihtawp chhuaha tan lakpuitu Chief Minister, Zoramthanga leh Deputy Chief Minister, Tawnluia te chungah lawmthu a sawi a. DRDA Office hawn thar chu District danga DRDA Office, kum tam tak lo awm tawhte nen khaikhin nghal mai a rem dawn lo tih sawiin, mamawh leh tul dang tam tak te chu zawi zawia ngaihtuah belh a ni ang, a ti a ni.

Rural Development Minister chuan Sawrkar laipuiin Rural Development a ngaih pawimawh avangin India rama Flagship programme lian ber, MGNREGS pawh RD hnuaiah a dah a, hei hi India ram-a Employment Generate nasa ber a nih bakah, khawvela inhlawhfa inziahluh tamna ber a ni, a ti a. COVID-19 hripui a len vanglai pawhin MGNREGS hnuaia ni za inhlawhna chu tluang taka kalpui zel a nih thu a sawi bawk.

Khawzawl DRDA Office tharah hian Khawzawl District Addl. DC, Lalrohlua chuan Project Director hna hi a kawp rih dawn a, APO, AO leh Assistant Engineer leh Staff 20 vel ten bul an tan dawn a. Khaw-zawl Darngawn-a BNRGSK Hall chu thuam thain bultan a ni a, April ni 1, 2021 atangin Office hi dawr theih a ni ang.

Comments

Popular News (Last 30 Days)