Latest News

Sawrkar in cheng khat mah a thawhlo tih sawi

Chief Minister, Zoramthanga chuan Ayodhya hmuna Ram Mandir sak nan Mizoram sawrkarin cheng khat mah a thawh lo niin a sawi.

Inrinni a Lunglei-a chanchinbumite a kawmna ah Chief Minister, Zoramthanga chuan Ayodhya hmuna Hindu biakin sakna tur atana Mizoram in cheng nuai tam tak thawh ve anga sawi awm chu sawrkarin cheng khat mah a thawh lo niin a sawi a ni. Tunhnaia Minister, TJ. Lalnuntluanga leh MLA C. Ngunlianchunga te inhmuhthiamloh chungchanga a ngaihdan zawhna chu chhangin Chief Minister chuan, “Pu TJ-a' n ngaihdam a dil tawh a, Congress in hma an la zui leh zel erawh an ti lutuk ve deuh,” a ti bawk.

Chief Minister chuan Myanmar ram buai avanga raltlan te sawrkar laipuiin thawnlet tura thuchhuah a siam sut leh turin a ngen tih pawh sawiin, hemi chungchang sawipui tur hian Mizoram MP te Delhi-ah a tir tih a sawi a. Amah ngei pawhin Prime Minister Narendra Modi hnenah lehkha a thawn thu a sawi bawk.

Comments

Chhiar Hlawhte