Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Serchhip bial Assembly bye-election tur atan inbuatsaihna ngawrh taka kalpui zel a ni

Serchhip bial-a Assembly bye-election neih tur atan sawrkar in hriattirna a tihchhuah hnuah inbuatsaihna ngawrh taka kalpui mek a ni.

Election Commission of India in Serchhip Bial a Assembly bye-election neih hun tur a puan hnuah ruahman lawk angin tunkar Thawhlehni khan 26-Serchhip (ST) A/C Bye-election Gazette Notification chhuah a ni a, hemi ni hian he inthlan a Returning Officer leh District Bawrhsap ni bawk, Kumar Abhishek chuan Press Briefing neiin he inthlanna neih tura hriat tur pawimawh te a tarlang a. He hunah hian Bawrhsap chuan Election Commission of India in bye-election neih dan tur a duan dan sawiin, March 16, 2021-ah inthlan neih hun tur hi puan niin March 23, 2021-ah Gazette Notification chhuah a ni a, hemi ni atang hian inthlan chuh tum te tana hming pekluhna hun hawn nghal niin March 30, 2021 thleng Nomination Paper thehluh theih a ni ang. Heng hming pekluh te hi March 31, 2021-ah enfiahin April 3, 2021 thleng inhnukdawk duh te tan inhnuhdawhna hun hawn leh a ni anga, April 17-ah mipui ten Vote thlakin May 2, 2021-ah inthlanna a Vote tla te hi chhiar tur a ni dawn a, May 4-ah chuan he inthlanna a buaipui ngai te chu zofel vek tura ruahman a ni.

Inthlan neih tur puan a nih rualin Model Code of Conduct viltu Team te, Expenditure Monitoring Team leh Media Certification and Monitoring Committee te chuan hna an thawk nghal a, Gazette Notification chhuah ni atang hian Static Surveillance Team pathumte chuan hna an thawk tan ve leh nghal bawk a. Election atana thawktu inruat te, Model Code of Conduct leh Expenditure Monitoring Training te, Nomination kalpui tura inbuatsaihna te chu peihfel vek a ni tawh bawk.

Vote thlak nia COVID-19 laka himna tura Election Commission of India leh State sawrkar ruahmanna te engkim tha taka kalpui a nih tur thu pawh Bawrhsap chuan sawiin, Polling Party te chu COVID-19 invenna hmanraw tul te pek an nih tur thu te, vote thlaktu mipuite tana Sanitizers chhawp a nih tur thu te a sawi a. Hei bakah hian voters kum 80 chunglam te, PWD person te, COVID-19 patient leh quarantine a awm mek te tana Postal Ballot facility buatsaih sak an nih tur thu pawh a sawi a, inthlan vote thlak hun chu zing dar 7:00 atanga tlai lam dar 6:00 inkar a nih thu te pawh a tarlang bawk a ni.

Tun dinhmunah 26-Serchhip Assembly Constituency (ST) ah General Voters 19,451 an awm mek a, an zinga 10,289 chu hmeichhia niin a dang 9162 chu mipa an ni thung a, Voters Sex Ratio chu 1123 niin, Service voters 198 an awm mek thung a, an zinga 196 chu mipa niin a dang 2 chu hmeichhia an ni a, heng te nen hian 26-Serchhip (ST) A/C chhunga vote nei zawng zawng belhkhawm chu 19,649 an ni.

Comments

Popular News (Last 30 Days)