Latest News

Cheng vbc. 21 senga District Hospital Serchhip sak tur atan Health Minister in lungphum a phum

Image
Cheng Vbc. 21 senga District Hospital Serchhip building thar sakna tur lungphum chu nimin khan Health Minister Dr. R. Lalthangliana chuan a phum a, he Hospital sakna tura sum ruahman ah hian building sakna tur bakah hmanraw pawimawh leina tur engemaw zat ruahman a ni bawk.

Mi 3 in hming pelut tawh

Thla thar April 17-a Serchhip bial Assembly bye-election neih tur chuh turin mi pathum te chuan an hming an pelut tawh.

Serchhip bial-a bye-election neih tur atana hming pekluhna hun hawn anih hnua hming pelut hmasa ber ZPM Party aiawha chuh tur Lalduhoma chuan tunkar Nilaini khan he inthlanna a Returning Officer, Kumar Abhishek hnenah Nomination a file a, he inthlana ZPM Party Symbol atan hian ‘Lukhum’ hman a nih tur thu tihfel nghal a ni bawk.

Hemi hnu nimin khan Indian National Congress (INC) Candidate tur PC. Laltlansanga chuan he inthlanna chuh tur hian Returning Officer, Kumar Abhishek-a hnenah Nomination Paper a thehlut ve leh bawk a, INC Candidate, PC. Laltlansanga hian Symbol atan Kutphah a hmang dawn a ni.

Nimin vek chawhnu lam khan Vohbik Ephraim Israel atanga Independent-a he inthlanna chuh tur hian Ramhlun-Edena s/o R. Laikunga chuan Nomination Paper a thehlut veleh bawk a, Ramhlun-Edena hi Falkland Veng-a awm a ni a. Symbol tur an la tihfel loh thu a sawi thung.

Serchhip bial-a Assembly bye-election neih tur atan hian tun thla ni 30 thleng khian Nomination paper thehluh theih a ni dawn a, tun dinhmuna Nomination Paper thehlut tawh mi pathum te bakah hian MNF Candidate, Van-lalzawma, BJP Candidate Lal Hriatrenga Chhangte leh PC Party Candidate Vanlalruata te chu Nomination Paper la thehlut leh tura beisei an ni a, he inthlanna neih turah hian Candidate mi 6 an awm dawn niin a lang a ni.

Comments

Popular News (Last 30 Days)