Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Ni 2 chhungin hri kai thar leh enkawl dam 2 ve ve awm

Zirtawpni leh Inrinni-a Sample enfiah atangin Mizoram-ah COVID-19 hri kai mi pakhat ve ve hmuhchhuah niin nimin khan hri kai mi pahnih enkawl dam an ni bawk.

Zirtawpni khan Mizoram-ah Sample 454 enfiah niin heng atang hian COVID-19 hri kai mi pakhat hmuh a ni a, hri kai hmuhchhuah h Rapid Antigen Test hmanga Sample enfiah 453 atanga hmuh niin Siaha District mi kum 62 a upa niin taksa-a hri kai lanchhuahna neih avanga inrinhlelhna nei-a sample enfiah a ni a, hri a kaina hriatloh a ni. Zirtawpni khan ZMC Laboratory-ah Sample pakhat enfiah niin District hrang hranga TrueNat Laboratory-ah Sample enfiah a awmlo thung.

Inrinni khan Mizoram-ah Sample 510 enfiah leh niin hri kai mi pakhat hmuh leh a ni bawk a, hri kai hmuhchhuah hi Rapid Antigen Test hmanga Sample enfiah 440 zing ami niin Chennai-a cheng, Tripura atanga rawn lut tur niin Kanhmun Screening Point-a hri kai tih hmuhchhuah a ni bawk. Inrinni khan ZMC Laboratory-ah Sample 62 enfiah niin TrueNat Laboratory-ah Sample 8 enfiah a ni bawk a, hri kai hmuhchhuah erawh an awmlo thung.

Inrinni khan Mizoram-ah COVID-19 hri kai enkawl dam an awm belh lova, nimin khan hri kai mi 2 enkawl dam an ni leh thung a. Heti hian nimin tlai dar 5:00 thleng khan Mizoram-a COVID-19 hri kai hmuh tawh chu 4447 niin an zinga 4423 te chu enkawl dam an ni tawh a, hri kai hmuhchhuah atanga za zela 99.46 te chu enkawl dam ni tawhin tunah hian hri kai enkawllai 13 an la awm a, nunna chan mi 11 an awm tawh bawk a ni. Hri kai enkawllai te hi Aizawl-ah mi 9, Siaha District-ah mi 3 leh Mamit District-ah mi pakhat te an ni.

Comments

Popular News (Last 30 Days)