Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Saitual-ah DRDA Office P&E Minister in a hawng

P&E Minister leh Tawi bialtu MLA, R. Lalzirliana chuan nimin khan Saitual-ah District Rural Development Agency (DRDA) Office thar a hawng.

Saitual Venglai-a Saitual District DRDA Office hawnna hun Govt. Saitual College Auditorium-a buatsaihah bialtu MLA ni bawk, R. Lalzirliana chuan Saitual District in DRDA Office an neih theihna tura theihtawp chhuaha tan lakpuitu Chief Minister, Zoramthanga leh RD Minister, Lalruatkima chungah lawmthu a sawi a. DRDA Office chu District danga DRDA Office, kum tam tak lo awm tawhte nen khaikhin nghal mai a rem dawn lo tih sawiin, District mipuite tawiawmna leh hriatthiamna an mamawh hle dawn a ni, a ti a. DRDA Staff te leh District mipuite chu malsawmna ni tawn tura thawkho turin duhsakna a hlan a ni.

He hunah hian Khualzahawm Rural Development Minister, Lalruatkima pawhin Mizoram-a DRDA Office pakuana ni tura Saitual District DRDA Office hawn a ni ta chu District mipuite a lawmpui thu a sawi a, District hmasawnna turin DRDA in hma a la tan dawn tih a sawi bawk.

Saitual District DRDA Office tharah hian APO, AE, AO leh JE telin Staff 20 velin bul an tan dawn a, Saitual District Addl. DC, Margaret Lalrinawmi Fanai chuan Project Director hna hi a kawp rih dawn a ni.

Comments

Popular News (Last 30 Days)