Latest News

MZP Rorelna sang ber dawttu thutkhawm nei

Mizo Zirlai Pawl (MZP) Rorelna sang ber dawttu, Federal Council Sitting vawi 53-na chu nimin khan Aizawl-a MZP Pisa Pui-ah neih a ni.

MZP Federal Council Sitting-ah hian MZP President, B. Vanlaltana chuan hri leng avanga hun engemaw chen Federal Council Sitting an neih theihloh hnua neih theih a ni ta chu lawmawm a tih thu sawiin, MZP chu zirlai pawl an nih angin tlang hrang hranga MZP hruaituten Zonun zemawi a thara an inzirtir leh a tul thu a sawi a. “Zo zia kan chin thar lehzual angai a. Mizo zirlaiten hmasawn se la, Kan ram leh hnam hi dam se tih hi MZP duhdan a ni,” a ti bawk.

MZP President chuan MZP in hnam in-pumkhatna nasa zawkin a kalpui zel dawn tih pawh sawiin, “Myanmar-a kan unau manganga awm mek te hi an chenna turte, an ei leh in turte India Sawrkar leh Mizoram sawrkar hian ngaih-ven thuai se kan duh a. India sawrkar hian a welcome thei lo anih pawhin MZP chuan a welcome zel dawn a. Kan unaute hi tlanchhiatsan thei kan ni lo a. Hemi chungchang hi a tul angin India sawrkarah pawh MZP chuan a bawhzui zel dawn a ni,” a ti bawk.

MZP Federal Council Sitting hian an thu ngaihtuah tura chhawpchhuah 7 te pawmin heng zingah hian Mizoram chhunga hnamdang foreigner ten nau an neihin register-ah uluk taka chhinchhiah an nih theih nan hmalak ni rawh se tih te; Mizoh ming hawh a Mizoram State Transport Department hnuaia lirthei registration titu te dapchhuaha na taka hrem an nih theih nan hmalak ni rawh se tih te; MZP dinna hmunah a ruala ILP check te; State thenawmte nen a ramri buai chungchangah Mizoram sawrkarin chak zawk a hma alak theih nan MZP in hmalak rawtna leh Ram pumah Career Awareness leh Nationalism Awareness neih thin rawtna te a tel a ni.

Comments

Chhiar Hlawhte