Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Political Party ten bye-election Vote thlak ni leh Vote chhiar ni sawn an duh thu an sawi

Serchhip bial-a Assembly bye-election neih hun atana Election Commission of India in April 17, 2021 a ruat chu Inrinni a nih avang leh Vote chhiar hun tura ruat May 2, 2021 chu Pathianni a nih avangin Political party hrang hrangte chuan he ruahmanna hi an duhloh thu leh he hun lo ruahman tawh hi sawn an duh thu an sawi.

ZPM Party chuan hemi chungchangah hian nimin khan Election Commission of India hnenah lehkha ziakin April ni 17, vote thlak ni atana ruat a ni chu Seventh Day Adventist te Ni serh anih bakah vote tla te chhiar hun atana ruat, May ni 2 chu Pathianni a tla anih avangin, siam danglam turin an ngen a, an lehkha thawn hi CEO Office chuan ECI ah a thawn sak nghal a ni.

Hetihlai hian Mizoram BJP chuan nimin khan thuchhuah siamin Vote thlak ni leh a chhiar ni atana Election Commission-in a ruat chu Mizoram Kohhran hrang hrangte Ni serh a nih avangin leh Vote thlak ni chu Kohhran thenkhat te tana Pathian biak ni a nih avangin vote thlak an tam thei dawn lova an hriat thu an sawi a, hei vang hian sawn tha an tih thu an sawi bawk.

MPCC General Secretary, Lal Thanzara chuan Mizoram Kohhran Hruaitu Committee te hnenah lehkha thawnin, Election Commission of India in Serchhip Bye-election atana vote thlak ni April ni 17 a rawn ruat chu Seventh Day Adventist te ni serh, Sabbath ni-a tla niin, Sakhaw ni pawimawh taka vote thlak hun ruat a ni chu MPCC chuan thalo an tih thu a tarlang a, inthlan vote thlak ni tihdanglam a nih ngei theih na turin MKHC te kaihhruaina hnuaiah Political Party hrang hrang leh NGO ten thu khat vua-a hma la tlang tura an duh thu a sawi bawk.

Hetihlai hian tunkar Nilaini-a Mizoram Synod hotute thukhawm chuan Serchhip Bial bye-election neih tura Vote tla te chhiar ni atana May 2 (Pathianni) ruat a ni chu duh lovin Vote chhiar ni hi sawn turin Election Commission of India-ah an ngen dawn nia thudawn a ni a, hemi chungchangah hian ECI hi lehkha thawn vat an tum niin thudawnna chuan a tarlang bawk.

Comments

Popular News (Last 30 Days)