Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Khelo India hnuaia inelna zawhfel a ni

Nimin khan 'Khelo India : Sports for Peace and Development' hnuaia Football, Volleyball leh Boxing-a District Level inelna te chu zawhfel a ni.

'Khelo India : Sports for Peace and Development' hnuaia Ser-chhip RD Block leh East Lungdar RD Block te Volleyball-a inelna hi nimin khan Serchhip Chanmari Volleyball Court-ah khelh niin Serchhip RD Block-a Champion, Hriangtlang VC leh East Lungdar RD Block-a champion, North Vanlaiphai VC te an inhmachhawn a, Serchhip RD Block Champion, Hriangtlang hian 3-1 in hnehna an chang a ni.

Hetihlai hian 'Khelo India : Sports for Peace and Development' hnuaia Football-a inelna pawh nimin khan zawhfel a ni a, Serchhip Sports Complex-a District Level inelna neih ah hian RD Block pahnih atangin Finalist ve ve tel tura beisei niin inkhel hmasa zawkah East Lungdar Block-a champion, Khawlailung VC Team chuan Serchhip RD Block-a pahnihna, Serchhip Chanmari VC Team chu 5-2 in an hneh a, inkhel hnuhnung zawk tura ruahman, East Lungdar VC Team leh Thenzawl West VC Team-ah East Lungdar VC Team hi an inlan loh avangin Thenzawl West VC Team hi 3-0 a chak-ah puan an ni. Hemi hnu nimin tlai khan Khaw-lailung VC Team leh Thenzawl West VC Team te hian Final khelin Thenzawl West VC hi si khat faiin an chak bawk a ni.

'Khelo India : Sports for Peace and Development' hnuaia Boxing inelna pawh nimin khan Serchhip Boxing Hall-ah zawhfel a ni a, Weight Category 13-a inelna neih ah Serchhip RD Block chu champion in Gold Medal 10 leh Silver Medal pahnih an la a, East Lungdar RD Block chu pahnihna niin Gold Medal 3 leh Silver Medal 10 an la bawk a ni.

Comments

Popular News (Last 30 Days)