Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

March ni 31, 2021 hmaa Assam Rifles te insawnna tura DO Letter ngaihchan mek a ni

March ni 31,2021 hmaa Assam Rifles ten Aizawl khawpui laili-a an awmna hmun an chhuahsan ngei theih nan Chief Minister Zoramthanga chuan Union Home Minister hnenah DO Letter a thawn a, a chhanna ngaihchan mek a ni tih Home Minister, Lalchamliana chuan a sawi.

Chief Minister-in Assam Rifles te chungchanga Union Home Minister hnenah lehkha a thawn chungchang hi Assembly Session neih zawh takah Home Minister, Lalchamliana chuan Hachhek bialtu MLA, Lalrindika ziaka zawhna a chhannaah a sawi a. Chief Minister hian March ni 1,2021 khan Union Home Minister hnenah hian DO letter hi a thawn a. Home Minister chuan February ni 19, 2021-a Chief Secretary kaihhruaina hnuaia Meeting-in March ni 31,2021 hmaa Assam Rifles Battalion te Zokhawsang-a insawn chhuahtir turin Union Home Ministry ah thlen nise tia an rel thu a sawi bawk.

Home Minister-in zawhna a chhanna atanga a lan danin, Aizawl atanga Assam Rifles te an in sawn theih nan hian Mizoram Chief Secretary-in Assam Rifles hotute leh sawrkar laipui hotute lehkha a lo thawn fo tawh a. September ni 2, 2020 khan Director General, Assam Rifles chu DO Letter thawn a lo ni tawh a, December ni 4, 2020 khan Ministry of Home Affairs (MHA) Joint Secretary (PII) pawh Assam Rifles te an in sawn chhuah theih nan DO letter thawn a lo ni tawh a. February ni 11, 2021 khan Mizoram sawrkar hnuaia Home Department Addl. Secretary pawhin Ministry of Home Affairs (MHA) Joint Secretary (PII) hnenah hian lehkha a thawn tawh bawk a ni.

Assam Rifles te chu May 2019 hmaa Aizawl chhuahsan turin Ministry of Home Affairs (MHA) in hriattirna a lo pek tawh thu Home Minister Lalchamliana hian zawhna a chhanna ah hian a tarlang a. MHA hriattirna anga Assam Rifles te an in sawnchhuah loh chhanah Covid-19 hrileng puhin, “COVID-19 hripui leng avangin EPIL hna thawh lai a khaihlak a. Mizoram sawrkar chuan COVID-19 hri leng karah pawh EPIL Contractor ten hna an thawh theih nan nasa takin hma a la,” a ti.

Home Minister chuan, Assam Rifles te hian an insawnchhuah theihloh chhan tur chhuan-lam tling an neih tawh lo nia sawiin, “February ni 3, 2021-a Secretary, Home Department hova Joint Inspection report atanga a lan danin Zokhaw-sang-a Assam Rifles te insawnna tur hi EPIL leh Concerned Department dangte hian an peihfel thawkhat tawh a, tunah hian Assam Rifles te hian an insawn theihlohna chhan tur chhuanlam tling engmah an nei tawh lova. Meeting hian building sak zawh tawh ho ah Phase Wise-a insawnlut turin Assam Rifles hi a hriattir a ni,” a ti bawk.

Assam Rifles ram luah, Lammual leh a chhehvela mimal LSC nei zat chungchang zawhna pawh chhangin, Land Revenue & Settlement (LR&S) Department zirchianna atanga a lan dan chuan Assam Rifles Battalion te chhuahsan tur tam chhungah LSC leh Pass nei mi 56 an awm tih Home Minister hian a zawhna chhannaah a ziak lang a ni.

Heng lai ram hi vantlang hmun/van-tlang tan chauha hman a nih theih nan 'The Mizoram (Restriction on Use of Transferred Land) Act 2002 chu siam a ni tih pawh Minister chuan sawiin, he Danin a phut ang hian pass leh LSC 56 te chu cancel a nih theih nan Home Department chuan Cabinet Memorundum siamin, Council of Ministers thutkhawm pawmpui turin a thehlut tih a sawi a, March ni 8,2019-a Council of Ministers thukhawm chuan Home Department rawtna chu a pawm tih leh dan lova pass leh LSC pekchhuah zawng zawng te chu LR&S Department hnenah cancel vek tura hma la turin a hriattir tih zawhna a chhanna ah hian a sawi tel bawk.

Comments

Popular News (Last 30 Days)