Latest News

Mizoram-ah hri kai mi 4 hmuh belh leh an ni

Niminpiah khan Mizoram-ah Sample 1133 enfiah niin heng atang hian COVID-19 hri kai mi 4 hmuh an ni.

Heng hri kai hmuhchhuah te hi ZMC Laboratory-a Sample enfiah 31 atanga hmuh niin Aizawl Upper Republic Veng mi te vek an ni a, tunhnai State pawn atanga rawn haw, a hnu-a hri kai hmuhchhuah tak chhungte leh thenawm hnai te an ni. Niminpiah khan District hrang hranga TrueNat Laboratory-ah sample pakhat enfiah niin Rapid Antigen Test hmangin Sample 1101 enfiah a ni a, hri kai hmuhchhuah an awmlo thung.

Nimin khan Mizoram-ah hri kai mi 3 enkawl dam leh niin nimin tlai dar 5:00 thleng khan Mizoram-ah hri kai 4432 hmuhchhuah niin 4415 enkawl dam an ni tawh a, hri kai enkawllai 7 an la awm mek a ni.

Comments

Chhiar Hlawhte