Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Chanchin thar thenkhat :

Demand sawina ah tel duhlo

Nimin-a Mizoram Legislative Assembly Session-ah Congress Legislature Party (CLP) Member-te chu CLP Deputy Leader, C. Ngun-lianchunga chunga Law Minister, TJ. Lalnun-tluanga chêt dan avangin TJ. Lalnuntluanga demand sawihona ah an tel duhlo. Nimin Assembly thutkhawm ah hian Chief Minister Zoramthanga leh Minister of State, TJ. Lalnuntluanga te Department chan-a Demand sawiho hun a ni a. CLP Member-te chu demand sawiho tan dawnah House chhungah lutin, an Leader Zodintluanga Ralte chuan, C. Ngunlianchunga lakah House chhung leh páwnah TJ. Lalnuntluanga mawilo taka a chêt avangin a demand sawihonaah an tel ve theih loh thu Speaker a hrilh a; House an chhuahsan nghal a ni.


Maitri Cycle Rally kharna nei

Bangladesh President hlui leh 'Father of the Nation' tiha koh, Sheikh Mujibur Rahman piancham kum 101-na puala Border Security Force(BSF) ten India leh Bangladesh inunauna leh inthian thatna bakah ramri-a awm te tana Security chungchang hriattirna te leh ramri kal-tlanga a ruk a damdawi leh ruihhlo dang tawlhruk a thatloh zia inzirtir nan a an buatsaih, Maitri Cycle Rally chu nimin khan Kawrpuichhuah bul a Border Out Post (BoP) Silkur-ah ropui taka khar a ni. He Cycle Rally hi kumin January 10 khan BoP Panitar, North Pargana District atanga vailiam a ni a, BSF sipai 23 thlanchhuah ten KM 4097-a thui tlanin West Bengal, Assam, Megha-laya, Tripura leh Mizoram an paltlang a ni.


Criminal Case kalpui dan sawiho

Nimin khan Mamit I&PR Conference Hall-ah District Legal Services Authority, Mamit District buatsaihin Criminal Case kalpui dan tur sawiho a ni a, he hunah hian Excise & Narcotics, Police, District Jail leh APP ten an hnathawh theuh chungchanga harsatna an tawh bakah thu-neitu dangte atanga beiseina an neih dan hrang hrangte an sawi a, sawihona hun hman a ni bawk.


Nunna chan te sunna hmang

MZP General Hqrs. leh NGO, United for Democratic Myanmar chuan nizan hmasa khan Aizawl Vanapa Hall-ah Myanmar buaina avanga nunna chante sunna hun an buatsaih a, he hunah hian MZP President, B. Vanlaltana chuan MZP chu Hnam inphumkhatna kan neihna tura theihtawp chhuah thin a ni tih sawiin, “In unauna kan tih hi sawi mai nilo a, a taka kalpui turin Mizoram sawr-kar kan chah duh a. Tunah hian inunauna a taka kan lantir a hun tawh takzet a ni,” a ti bawk. Myanmar buaina vanga nunna chante sunna hi MZP General Secretary, Lalnun-mawia Pautu chuan buaipuiin, kalkhawmten Bati chhiin Minute khat chhung ngawi renga dingin he hun hi urhsun taka hman a ni.


Inthlan hun sawn leh phut

Peoples' Conference (PC) Party chuan Election Commission of India (ECI) in Serchhip bial MLA bye-election neih hun atan leh vote chhiar ni atana Kristiante ni serh, Sabbath ni leh Sunday (Pathianni) kher a ruat chu Kristian te palzûtna leh thamlohna lian takah an ngai tih thuchhuah siamin an tarlang a. Vote thlak ni atana April 17, 2021 leh vote chhiar hun atana a ruat May 2, 2021 te chu a rang thei ang bera siamtha leh tura ECI an phut thu an sawi bawk.


Raltlan thawnkir tumlo

Chief Minister, Zoramthanga chuan nimin a Assembly thutkhawm ah tunhnaia Myanmar ram-a buaina thleng chungchang sawiin, he buaina avanga Mizoram-a rawn raltlan te chu thawnkir an tum lo tih a sawi a. Burma ram-a Politics-a buaina thleng avanga loh theihloh thil-a lo tlan-chhia te lo dawnsawn dan thu ah a duh aiin India sawrkar laipui chu an inhawng tawklo tih sawiin, hei aia nasa zawka inhawng turin thuneitu lian te hnenah ngen a tum thu a sawi bawk.

Comments

Popular News (Last 30 Days)