Latest News

Kum 5 chhungin Ex-gratia ah cheng nuai 63.90 pe

Tunhnai kum 5 chhungin ramsa in chhiatna hrang hrang a thlen a sawrkarin ex-gratia a sum a sen zat chu cheng nuai 63.90 a tling a. Hetihlai hian kum 2003 atanga 2020 thleng khan Mizoram-ah ramsa seh leh beih tawk, hliam tuar mi 261 awmin, nunna chan mi 45 an awm.

Environment, Forest & Climate Change (EF&CC) chhinchhiah danin kum 2003-04 atanga 2019-20 (kum 17) chhunga ramsa vanga nunna chân tam ber kum chu 2019-20 kha niin nunna chan mi 6 an awm a, hemi kum hi ramsa vanga hliam tuar tam ber kum ni bawkin nunna chân leh hliam tuar zingah rul chuk an tam ber a. Kum 17 chhungin kum 2008-09 leh kum 2014-15 ah te ramsa vanga nunna chan an awm lo a, kumdang zawngah chuan nunna chan an awm thung a ni.

Tunhnai kum nga, kum 2015-16 atanga 2019-20 chhungin ramsa vanga nunna chân leh ramsa vanga ramtuileiloa awmte hnenah Ex-gratia atan cheng nuai 31 sen a ni a, hliam na tak tuarte hnenah Ex-gratia cheng nuai 1.90 sen niin, hliam tenau tuar te Ex-gratia ah cheng nuai 12 leh ramsa in thlai a tihchhiatsakte Ex-gratia-ah cheng nuai 19 sen a ni. Ramsa vanga nunna chânte zangnadawmna Rs. 2,00,000 pek thin an ni a, hliam tuarte chu an nat dan azirin Ex-gratia pek thin ni bawkin ramsa in thlai hmun a tihchhiat neitute chu an dinhmun azirin sawrkarin zangnadawmna a pe thin bawk a ni.

Comments

Chhiar Hlawhte