Jal Jeevan Mission Ministers’ Conference-ah Deputy CM in Mizoram mamawh a thlen

Inrinni khan India ram State hrang hranga Jal Jeevan Mission Ministers’ Conference neih niin Mizoram atangin Deputy Chief Minister, Tawnluia chu Video Conference kaltlangin a tel a ni.

He Conference-ah hian Jal Shakti Minister, Gajendra Singh Shekhawat bakah Minister of State, Rattan Lal Kataria bakah Official dangte telin Jal Shakti Minister, Gajendra Singh Shekhawat chuan kum 2024-ah chuan thingtlang-a chenna In zawng zawngah tui thianghliam hman theihtir vek sawrkarin a tum thu a sawi a, Jal Jeevan Mission hman a nih atangin thingtlang a chhungkaw vbc. 3.80 hnenah tui connection pek tawh a nih thu a sawi bawk. 

He Conference-ah hian Mizoram atanga tel Deputy Chief Minister, Tawnluia chuan Mizoram sawrkar-in Jal Jeevan Mission hnuaia hmalakna hrang hrang leh mamawh a neih te a thlen a, JJM hlawhtlin theihnan State Matching Share atan theihtawp chhuah a ni tih sawiin, April ni 1, 2020-a sawrkar record atangin Household Water Connection 1,26,827 mamawh a nih thu a sawi a, Kum 2019-20 inkarah Functional Household Connections (FHTCs) 25,079 leh kum 2020-21 inkarah FHTCs 22,451 neih a nih thu a tarlang a. Ruahman dan chuan kum 2021-22 leh 2022-2023 chhungin FHTCs hi 69,7895 neih tum a nih thu sawiin, kum 2021-22 atan Mizoram sawrkar chuan Jal Jeevan Mission atan cheng vbc. 248.45 chu budget ah a dah thu a tarlang bawk.

Deputy Chief Minister chuan Mizoram-ah JJM hmalakna atan sawrkar laipuiin fund a hun taka an lo pek loh avanga harsatna te a tarlang a, kum 2019-20 chhung khan Fund cheng vbc. 88 mamawh a nih lain cheng vbc. 69.88 chauh Mizoram pek a nih thu te, kum 2020-21 ah cheng vbc. 134 mamawh anih laiin, cheng vbc. 89.41 pek a nih thu leh cheng vbc. 63.71 deficit a nih thu Ministry hnenah a tarlang bawk a. Deputy Chief Minister Tawnluia chuan Jal Shakti Minister hnenah hian cheng vbc. 63.71 chu Mizoram-ah Jal Jeevan Mission hlawhtling taka kalpui a nih theih nan pek belh turin a ngen bawk a ni.