Ni 2 chhungin hri kai thar pakhat; dam belh awmlo

Zirtawpni khan Mizoram-ah Sample 511 enfiah leh niin heng atang hian COVID-19 hri kai hmuh belh an awm lova. Inrinni khan Sample 860 enfiah leh niin hri kai hmuhchhuah pakhat a awm thung.

Inrinni-a hri kai hmuhchhuah hi Rapid Antigen Test hmanga Sample 841 enfiah atanga hri kai hmuhchhuah niin BSF sipai, State pawn atanga rawn lut a ni a, Lengpui Airport Screening Point-a hri kai hmuhchhuah a ni.

Nimin leh niminpiah-ah Mizoram-ah hri kai enkawl dam an awm belh lova, heti hian nimin tlai dar 5:00 thlenga Mizoram-a hri kai hmuh-chhuah chu 4436 niin an zinga 4416 te chu enkawl dam ni an ni tawh a, hri kai za zela 99.55 te enkawl dam ni tawhin, hri kai enkawllai mi 10 an la awm bakah nunna chan mi 10 an awm tawh bawk a ni.