Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Inthlanna felfai nei tura hmalak

Inthlanna felfai nei tura hmalak
Serchhip bial Assembly bye-election neih hun tur chu puan a ni ta a, he inthlan neih tur atan hian hun engemaw chen kalta atang khan Political Party hrang hrangte chu inbuat-saihin hetianga inthlanna neih hun tur puan a nih tak avang hian ngawrh lehzualin campaign te pawh kalpui a nih chhoh ngei a rin-awm a. Kan sawi fo tawh thin angin tun tum inthlan kan neih chhan tur hi hun danga kan inthlanna neih thin te nen a inan chiahloh avang leh he inthlanna neih tur hian Political Party hun kal zel turah nghawng lian tak a neih rin a nih avangin Serchhip bial mai ni lo, Mizo-ram pumin he inthlan hi ngaihven a hlawh hle a ni.
Hetianga kan inthlanna neih tur in mi ngaihven a hlawh avang leh Political Party te tan pawh a pawimawh viau nia a lan avang hian Political Party lam pawhin tum dang zawng aiin tan an rawn la ngeiin a rinawm a. Hei vang hian Serchhip bial mipuite pawh hian hetiang lo dawngsawnga inthlanna dik, muanawm leh felfai kan neih theihna tura ngaihtuahna kan lo sen ve hi a tul hle mai a. Hemi kawng ah hian kan MPF lam te pawhin tun atang hian beng chhi in hma an la chho reng tawh a ni.
Serchhip hi Mizoram laili-a awm, ziak leh chhiar thiam tamna hmun niin inthlan kan lo neih tawh thin ah te pawh a tha leh thang-mawi zawnga hriat kan lo ni tawh thin a. Tun tuma kan inthlanna neih turah pawh hian kan campaign beihpui thlak dan leh inthlanna kan buaipui danah pawh a tha zawnga hriat reng tur leh midangte tan pawha entawn tlak in-thlanna kan neih theihna turin mipuite leh Political Party bakah inthlanna buaipuitute pawh hian theihtawp chhuah tlang ila a duhawm hle a ni.

Comments

Popular News (Last 30 Days)