Fresh Water Fish Brood Bank siamna tur enfiah

Fisheries Minister, K. Lalrinliana chuan Inrinni khan Pradhan Mantri Matsya Sampada Yojana (PMMSY) hnuaia Thenzawl Fish Farm-a Sangha pui dahkhawmna leh siam chhuahna (Fresh Water Fish Brood Bank) siamna tur hmun tlawhin hmalakna te a enpui.

Fisheries Minister hian he Fresh Water Fish Brood Ban siamna tur atana Department ruahmanna te enin a hmun-hma te a fang a. Tui hnianghnar a awm theih leh theih loh te, ni a hmuh that dan turte, tui a thiang-hlim leh thianghlim loh te uluk takin a enpui a ni. A Fur a thal-a tui hnianghnarna hmunah ngei hetiang Fish Brood Ban hi dah a tul avangin engkim uluk taka a tir atanga kalpui a ngai a, tha taka a puitlin ngei theih nan theihtawp kan chhuah tlan a tul a ni, tiin thawktute chu a chah a ni. Minister hian Brood Bank siam ruala construction dang awm turte kalpuina tur hmun te pawh thlirpuiin a tul anga la enpui chhoh zel a tum thu a hrilh a ni.

Thenzawl Fish Farm-ah hian Pradhan Mantri Matsya Sampada Yojana sum cheng nuai 415.60 sengin 50,000 sqmtrs-a zau Sangha pui, no hring tur vulhna hmun tur Dil siam tura rua-hmanna kalpui mek a ni a. Sum hi Central sawrkar in Administrative Approval a pe fel tawh a sanction hmuh thuai beisei a ni.

Fisheries Minister hi Health & Family Welfare Board Vice Chairman, Dr. ZR. Thiam-sanga leh Mizoram Youth Commission (MYC) Chairman, Dr. Vanlaltanpuia MLA ten an tawi-awm a, Thenzawl SDO (Civil) Amol Srivastava, IAS leh Serchhip-a sawrkar Department Officer thenkhat ten an lo dawngsawng a ni.