Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Chanchin thar thenkhat :

Chenna In 27 kangral

Inrinni chawhnu dar 3:00 rik hma hret khan Lawngtlai District chhung Lawngtlai atanga chhimthlang lam-a awm T. Dumzau khua ah kang-mei chhuak vangin chenna In 27 zet a kangral. Lawngtlai atanga thudawn danin he khua hi In 70 vel awmna niin kangmei chhuah chhan tak hi hriat ni lo mah se Lo hal mei si per atanga intan nia hriat a ni a, thi leh hliam awm lovin In kang hian In dang a kan kai zel avangin khaw thenawm Zochachhuah, Dumzautlang Model, Hmawngbuchhuah leh Laitlang khua atang te pawhin kangmei thelh tur hi an kal a ni. Kangmei vanga vanduaina thleng ah hian Mizoram sawrkar leh LADC sawrkar te chuan a theih angin tan-puina leh chhawmdawlna an thawnlut nghal a, Central YLA hruaitute pawhin hmalak dan tur ngaihtuahin nimin khan T. Dumzau khua hi an pan bawk a ni.


Hnahthial-ah ILP enfiah

MZP Hqrs. Hnahthial te chuan Inrinni zing khan Hnahthial khawpui chhunga hnamdang awm te kokhawmin Inner Line Permit (ILP) an neih dan an enfiah sak a, mi 50 an kohkhawm te zingah ILP neilo mi 17 hmuhchhuah an ni a, heng mite hi April 17 khian enfiah leh tum niin ILP fello te pawh hemi chhunga lo tifel vek tura hriattir an ni bawk. MZP Hqrs. Hnahthial hruai-tute chuan tunhma lama vai thlavang hauha MZP hruaitute tâwng thin leh ILP check vanga Mizo leh Mizo in chaltauhna thleng thin chu zawi zawiin a reh chho nia sawiin, lawmawm an tih thu an sawi bawk a ni.


Mipui inralring turin hriattir

India Meteorological Department chuan Vawiin, March 29 atanga tunkar Zirtawpni thleng khian Mizoram-ah thlipui leh ruah a thlen mai theih avangin mipuite chu fimkhur turin a hriattir a, mipuite chu inralringa In-a awm tam tur leh thli leh ruah in a tihchhiat theih Electric Current enfel tur leh thil chim thei laka inveng turin mipui te a hriattir bawk a ni.

Comments

Popular News (Last 30 Days)