Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Mizoram-ah COVID-19 hri kai hmuh belh zel an ni

Mizoram-ah COVID-19 hri kai hmuhchhuah an la awm belh zel a, hri kai enkawllai pawh an pung zel.

Zirtawpni khan Mizoram-ah Sample 630 enfiah niin heng atang hian COVID-19 hri kai mi 3 hmuh an ni a, heng hri kai hmuhchhuah te hi Rapid Antigen Test hmanga Sample enfiah 578 te atanga hmuhchhuah niin an vai hian State pawn atanga rawn lut, Lengpui Screening Point-a hri kai hmuhchhuah te vek an ni. Zirtawpni khan ZMC Laboratory-ah Sample 52 enfiah niin hri kai hmuh an awm lova, District hrang hranga TrueNat Laboratory-ah Sample enfiah a awmlo thung.

Inrinni khan Mizoram-ah Sample 1405 enfiah leh niin hri kai 2 hmuh an ni a, heng te hi ZMC Laboratory-a Sample enfiah 40 atanga hmuh niin pakhat hi State pawn atanga rawn haw niin a dang hi Health Care Workers, hri kaina hriatloh a ni. Inrinni khan Rapid Antigen Test hmangin Sample 1365 enfiah niin TrueNat Laboratory-ah Sample enfiah a awmlo thung.

Inrinni khan Mizoram-ah COVID-19 hri kai enkawl dam mi 2 awmin nimin khan enkawl dam an awm belh lo thung a, heti hian nimin tlai dar 5:00 thleng khan Mizoram-ah COVID-19 hri kai hmuhchhuah chu 4465 niin an zinga 4428 te chu enkawl dam an ni tawh a, hri kai hmuh atanga za zela 99.17 te chu enkawl dam ni tawhin hri kai enkawllai 26 an la awm a, nunna chan mi 11 an awm tawh bawk a ni.

Comments

Popular News (Last 30 Days)