Latest News

MZI hruaitu thlanna nei

Mizo Zaimi Inzawmkhawm (MZI) Hqrs. Serchhip chuan nimin khan kum 2021-2022 chhunga an hruaitu tur thlanna MJA Serchhip District kaihhruaiin an nei a, President-ah Otto K. Lalchhuanawma (P&E Veng); Vice President-ah Lalramnghaka Kawlni (Tuikhuah Veng); Secretary-ah C. Zodinthara (Leisang Veng); Asst. Secretary-ah R. Lalrinfela (Bazar Veng); Treasurer-ah Lalnunsiami Khiangte (P&E Veng) leh Fin. Secretary-ah Johny Lalhruaitluanga (Venglai) te thlan an ni.

Tuikum bial-a Model Village atan Khawbel puang

Serchhip District-a Tuikum bialtu MLA leh Assembly Deputy Speaker, Er. Lalrinawma chuan a bial chhunga Model Village atan Khawbel khua chu thlan a nih thu a puang.

Tuikum bial-a Model Village tura Khawbel puanna hun hi niminpiah khan Khawbel-ah hian neih a ni a, he hunah hian bialtu MLA leh Assembly Deputy Speaker, Er. Lalrinawma chuan ram leh hnam, khawtlang leh Khawbel khua in zirna, faina, hriselna leh kawng hrang hranga hmasawn lehzual nan thawkho turin he huna tel te chu a sawm a, Model Village leh a kalphung te a sawi bawk.

He hunah hian Khawbel-a All NGO, Political party hrang hrang leh mipuite chuan bialtu MLA hnenah Model Village atana thlan an nih avangin lawmthu an sawi a. MNF Tuikum Block President, T. Sangzuala pawhin Khawbel mipui ten tun VC Eletion-a MNF party Official Candidate-te an thlang tling chu lawmawm a tih thu leh Model Village atana thlan an ni chu an phuin a lawmpui hle tih a sawi bawk.

Comments

Chhiar Hlawhte