Serchhip-a TrueNat khawl hmang tan thei ta

COVID-19 hripui leng avanga Mizoram sawr-kar in Serchhip damdawi In-a TrueNat Quattro RT-PCR (Mini RT-PCR) khawl a bun thar chu Mizoram sawrkar chuan a rawn enfiah hnuah nizan hmasa khan ICMR-ah Report thehlutin nimin khan ICMR hian a rawn approved ta nia thudawn a ni.

Nimin a Assembly inkhawm ah Health Minister, Dr. R. Lalthangliana chuan District tina TrueNat khawl bun thu leh ICMR-ah pawmpui dilna hi nizan hmasa khan an thehluh thu hi a sawi a, hemi hnu nimin chawhnu lam khan Ser-chhip damdawi In hotute chuan he khawl hi ICMR in a rawn approved tawh thu hi kan Palai hnenah an sawi a, he khawl an hman tan hun tur erawh tihfel ala nihloh thu an sawi bawk.

Hetianga ICMR in he khawl a rawn pawm tak avang hian COVID-19 Sample en-fiahna atana hman nghal theih niin Rapid Antigen Test (RAT) hmanga Sample enfiah te result pawh an pawmpui thei tawh dawn a, a hmaa Sample enfiah tur leh RAT hmanga enfiah result pawm tura ZMC-a thawn ngai thin pawh ngai tawhlo tura ngaih niin hun reilote ah hman tan theih beisei a ni bawk.