Serchhip Town chhunga VC thlan thar ten VC Executive Body thar an din mek

Village Council inthlanpui neih zawh taka thlantlin VC te chuan Executive Body siam zelin Serchhip Town chhunga VC 14 zinga VC 12-ah Executive Body siam fel a ni tawh a. Executive Body la siam felohna te pawh hian Vawiin hi chuan tihfel theih tawh an in beisei thu an sawi bawk.

Ningani kaltaa Village Council inthlanpui neih a thlantlin te chuan anmahni huamchhung ah theuh Executive Body an siam chho mek a, MNF chakna Serchhip-I (Vengchung, Zozam leh Saron Veng) VC-ah B. Vanlalngura chu VCP niin Lalrinthuama Kawlni chu Vice President a ni anga, C. Denghmingthangi chu Treasurer a ni ang. Serchhip-II (Dinthar Veng) VC-ah ZPM chuan sawrkar siamin PC. Vanlalvena chu VCP a ni anga, H. Zoramsiama chu Vice President niin Ramdinpuia chu Treasurer a ni ang. Serchhip-III (Chhim Veng) VC-ah MNF in sawrkar siamin David Zaithankima chu VCP a ni anga, C. Laldinpuia chu Vice President niin Lalchhuanawmi chu Treasurer a ni bawk ang.

Serchhip Bazar leh a chhehvel huamtu Serchhip-IV VC-ah MNF in sawrkar siamin V. Tlangthuama chu VCP a ni anga, Lalzuiliana chu Vice President niin K. Laldaihvela chu Treasurer a ni anga, Serchhip Field Veng, Field Road leh Ramthlun Veng huamtu Serchhip-V VC-ah MNF in sawrkar siamin Lalfakawma chu President niin K. Lianzuia chu Vice President a ni anga, Lalhlupuii chu Treasurer a ni bawk ang. Serchhip-VI (Hmar Veng) VC-ah Congress in sawrkar siamin Albert Lalramsiama chu VCP a ni anga, J. Lalhruaitluanga chu Vice President niin Lalzikpuii chu Treasurer a ni ang. Serchhip-VII (AOC, Leisang Veng leh Venglai)-ah Congress bawkin VC siamin JH. Lalenthanga chu VCP a ni anga, HL. Muanthanga chu Vice President niin J. Lalnunfela chu Treasurer a ni ang. Serchhip Chanmari Veng VC-ah Party pathum atanga thlantlin ten VC Executive Body siamin VCP-ah C. Lalremliana (MNF) a ni anga, INC atangin Isaac Malsawmtluanga chu Vice President niin ZPM atanga thlantlin, K. Rohlupuii chu Treasurer a ni bawk ang.

Party chak bik awmlohna Serchhip-VIII (P&E Veng) VC-ah MNF leh Congress in sawrkar siamin MNF atangin C. Vanlalsiam-thara chu President a ni anga, INC atangin F. Lalhmangaiha chu Vice President niin MNF atangin Lungtiawii chu Treasurer a ni bawk ang. New Serchhip North VC-ah MNF in sawrkar siamin C. Lalrotluanga chu VCP a ni anga, B. Zaruala chu Vice President niin C. Lalengmawii chu Treasurer a ni bawk ang.

Party mal-a sawrkar siam thei awm lohna Chhiahtlang South-ah thlantlin zawng zawng ten inthurualin Executive Body an siam a, President-ah MNF atangin R. Lalremchhunga a ni anga, Vice President-ah INC atangin K. Lalbiakmawia niin Treasurer-ah Independent atanga thlantlin C. Lalrinmawii a ni ang. Party chak bik awmlohna bawk. Chhiahtlang North-ah Congress leh ZPM in sawrkar thar an din dawn a, President-ah C. Lalrawna (INC) leh Vice President-ah Rodawli (INC) te niin Treasurer-ah Hrangchhuana (ZPM) a ni ang.

Serchhip Town chhunga VC 14 awm zingah Serchhip Darnam Veng VC leh New Ser-chhip South VC chiah tun dinhmun ah tihfel loh ala awm nia thudawn a ni a, heng ah te pawh hian VC Executive Body dinfel thawkhat tawhin Vawiin lamah hian tihchian theih beisei a nih thu kan thudawnna chuan a sawi bawk.

Tarlan tawh thin angin tuna Village Council dinglai te hun hi kumin May thla khan tawp tawh tur niin hri leng avanga inthlanna neih mai theih a nih loh avangin tum hnih pawhsei a ni tawh a, tuna VC dinglai term pawhsei mek hi tun thla, September 7 khian a tawp dawn a, hemi hma hian VC thar hi dinfel vek tur a ni ang.

Comments

Chhiar Hlawhte