Latest News

Mizoram-ah hri kai 20 hmuh belh leh an ni

Niminpiah khan Mizoram-ah COVID-19 hri kai mi 20 hmuh-chhuah leh niin Mizoram-a COVID-19 hri kai hmuhchhuah chuan 1040 an tling ta.

Niminpiah a Mizoram-a COVID-19 hri kai hmuhchhuah zinga mi 17 te hi ZMC Laboratory-a Sample enfiah atanga hri kai hmuhchhuah niin midang pahum te hi Kolasib District-a Rapid Antigen Test (RAT) hmanga hri kai hmuhchhuah an ni thung a, ZMC-a hri kai hmuhchhuah mi 17 zinga mi 16 te hi Hnamdang sipai, Quarantine lai vek niin midang pakhat hi Mizo sipai, Jammu & Kashmir atanga rawn haw leh Quarantine lai a ni thung. Niminpiah a Rapid Antigen Test hmanga hri kai hmuhchhuah te hi State pawn atanga lo lut, hnamdang driver te an ni bawk. Nimin khan ZMC Laboratory-ah Sample 612 enfiah niin Rapid Antigen Test hmangin Sample 300 chuang enfiah a ni bawk.

Heti hian nimin thleng khan Mizoram-ah COVID-19 hri kai hmuhchhuah 1040 tling tawhin mi 662 te chu enkawl dam an ni tawh a, hri kai enkawllai 378 an la awm mek bawk a ni.

Nikhat-a hri kai hmuhchhuah tam ber ni thleng leh :

Darkar 24 kalta chhung khan India ramah COVID-19 hri kai 83,883 hmuhchhuah thar leh niin nikhat-a hri kai hmuhchhuah an tam ber ni a ni. Ministry of Health & Family Welfare chhinchhiahna atanga a lan danin darkar 24 kalta chhung khan India ramah Sample 11,72,179 enfiah niin hri kai 83,883 hmuhchhuah an ni a, hei hi nikhat-a hri kai hmuhchhuah an tam ber tum leh darkar 24 chhunga hri kai sing riat chuang hmuhchhuah a nih vawi khatna a ni a, heti hian India ramah Sample 4,55,09,380 enfiah niin hri kai 38,53,406 hmuhchhuah an ni tawh a, Sample enfiah atanga zaa 7.16 te chuan hri an kai a ni.

Hetihlai hian darkar 24 kalta chhung khan India ramah COVID-19 hri kai zinga mi 68,584 te chu dam-ah puan niin India rama hri kai enkawl dam chu 29,70,492 an tling tawh a, hri kai atanga zaa 77.08 te chu enkawl dam an ni tawh. Darkar 24 kalta chhung khan hri kai zingah nunna chan 1,043 awmin hri kai zinga nunna chan hi 67,376 an tling tawh bawk a. Tunah hian hri kai enkawllai mi 8,15,538 an la awm mek a ni.

Comments

Popular News (Last 30 Days)