Magistrate in Sangha man khuahkhirhna a siam

Serchhip District Magistrate chuan Sangha man dan chungchangah khuahkhirhna siamin, Nghafuan ven pawh khap a nih thu a tarlang.

Tun thla ni 9-a thupek a tihchhuah ah Serchhip District Magistrate, Kumar Abhishek IAS chuan Mizoram chhunga lui hrang hranga Sangha te chu man dan chi hrang hranga man thin a nih thu tarlangin, Gelatine, Tur leh dynamo te chu Sangha man nan hman thin a ni tih hriat a nih thu a tarlang a. Hei hian kan lui-a Sanghate nasa takin a ti chereu-in an pung tur a ti thuanawp nasa hle tih pawh tarlangin, tunah pawh hian Sangha te inthlahpung tura an fuan a lo hun leh tan avangin Lui-a Sangha te hittha taka humhalh a ngai tih a tarlang a. Hei vang hian Section 144 Cr.PC in thuneihna a pek angin Serchhip District huamchhunga lui hrang hranga Sangha te chu Tur-a hrai te, Dynamo leh Gelatine hmanga man te khap a nih thu leh Nghafuan ven pawh khap a nih thu a tarlang a ni. He thupek hi thla hnih (2) chhung huam tur niin thupek zawmlo te chu Section 188 IPC hmanga hrem an ni ang tih a tarlang bawk.