Latest News

Vaccine pe chhunzawm dawn

 Serchhip District chhunga Health Care Workers te hnena COVID-19 Vaccine, Covishield pek hna thawh mek chu Inrinni leh Pathianni te chawlh anih hnuah Vawiin hian Vaccine pekna tura ruahman hmun thum-ah pek chhunzawm a ni leh dawn a, thudawn danin Serchhip District chhunga mi 450 te hri danna pek turah ni 2 chhung khan mi 306 te chu hri danna hi pek hman an ni a, Presbyterian English School leh Midland M/S-ah mi 121 ve ve te hri danna pek ni tawhin Thenzawl CHC-ah mi 64 te hnenah hri danna hipek an ni tawh bawk a ni.

India rama COVID-19 hri kai nuai 36 an tling tawh

India rama COVID-19 hri kai hmuhchhuah chu nuai 36 an tling ta a, hri kai enkawl dam pawh nuai 27 an tling tawh bawk.

Ministry of Health & Family Welfare chhinchhiahna atanga a lan danin darkar 24 kalta chhung khan India ramah sample 8,46,278 enfiah leh niin heng atang hian hri kai 78,512 hmuh leh an ni a, heti hian India ramah Sample 4,23,07,914 enfiah ni tawhin hri kai hmuh zawng zawng pawh 36,21,245 an tling ta a, Sample enfiah zawng zawng atangin zaa 8.55 te chuan hri hi an kai tawh a ni.

India rama hri kai hmuhchhuah an pun zel lai hian enkawl dam pawh pung ve zelin darkar 24 kalta chhung khan mi 60,868 te chu enkawl dam leh an ni a, India rama hri kai enkawl dam zawng zawng chu 27,74,801 niin hri kai hmuhchhuah atanga zaa 76.62 te chu enkawl dam an ni tawh bawk a, hri kai enkawllai 7,81,975 an la awm bawk. Darkar 24 kalta chhung khan India ramah hri kai zinga nunna chan mi 971 zet awm lehin nunna chan zawng zawng pawh mi 64,469 an tling tawh bawk a ni.

Comments

Chhiar Hlawhte