Hri kai 4 hmuh belh an ni

Niminpiah khan Serchhip District-ah COVID-19 hri kai mi 4 hmuh belh leh niin an vai hian BSF Sipai, Quarantine Centre-a awmlai vek an ni.

Serchhip CMO Office atanga thu kan dawn danin niminpiah khan Serchhip-ah Rapid Antigen Test (RAT) hmangin Sample 36 enfiah a ni a, heng atang hian COVID-19 hri kai mi 4 hmuh belh niin heng mie hi BSF Sipai, State pawn atanga rawn haw niin Serchhip Vengchung-a TKS Quarantine Centre-a awmlai vek an ni a, natna lanchhuahna neilo an ni. Heng hri kai hmuh-chhuah thar te hian tun thla ni 10 khan Serchhip rawn thlengin kum 31 leh 53 inkar an ni a, Uttar Pradesh atanga rawn kir mi pahnih bakah Orissa leh Maharashtra State atanga rawn kir mi pakhat te an ni a, nizan hmasa khan Nursing School CCC-ah dahluh nghal an ni.

Niminpiah vek khan Serchhip District TrueNat Laboratory-ah Swab Sample 5 enfiah niin heng atang hian hri kai hmuhchhuah thar an awm lo thung a, hri kai pakhat hmuhchhuah awm anga puanzar chu report diklo tih sawiin, hri kai enkawllai pakhat chu a sample enfiah nawn a nih hnuah hri lakah ala fihlim lo tih hmuhchhuah a ni.

Hetihlai hian nimin khan Serchhip District-a COVID-19 hri kai enkawl pakhat chu enkawl dam niin damdawi In atanga chhuahtir a ni a, hri kai enkawl dam tak hi mipa niin August 8, 2020-a Uttar Pradesh atanga Serchhip District-a rawn haw a ni a, August 10 khan Rapid Antigen Test hmangin enfiah a nih hnuah August 18, 2020 khan RT-PCR hmangin COVID-19 hri a kai tih hmuhchhuah a ni a, hemi hnu hian Tarpi Tlang DCHC-ah dahluh niin tunhnaia helai hmuna enkawlte Chhiahtlang CCC-a sawn an nih khan sawn leh a ni a, enkawlna pek a nih hnu hian a Sample vawi thum an enfiahna ah hri lakah fihlimin nimin khan Chhiahtlang CCC atang hian chhuahtir a ni ta a ni. Amah hi NH. 54 siam hna thawktute zing ami, Prem Kram Infra. Construction Pvt. Ltd. a thawklai a ni.

Comments

Chhiar Hlawhte