Dan bawhchhia mi 40,573 man an ni tawh

Nimin thleng khan Mizoram-ah The Mizoram (Containment and Prevention of Covid-19) Ordinance, 2020 bawhchhia mi 40,573 man an ni tawh.

Sawrkar thuchhuah tarlan danin kumin May 4-a The Mizoram (Containment and Prevention of Covid-19) Ordinance, 2020 hman tan a nih atanga nimin thlenga he Dan bawhchhia man zinga 20,540 te hi Police Flying Squad te man niin midang 18,333 te hi Police dang in an man a ni a, Local Task Force ten an man mi 1700 an awm bawk. Heng Dan bawhchhia te pawisa chawi tlingkhawm chu Rs. 73,39,400/- a tling tawh bawk a ni. District hrang hrang zingah Aizawl District-ah Dan bawhchhia man tam berin mi 22,660 man an ni tawh a, Lawngtlai District-ah 3565 manin Dan bawhchhia man tlemna ber Saitual District-ah mi 728 man an ni tawh bawk.