Chanchin thar thenkhat :

/

Dragon Fruit chin dan zirho

Lunglei Horticulture Department leh ATMA Lunglei tangkawp buatsaihin nimin khan Lunglei a Horticulture Conference Hall-ah Dragon Fruit chin dan zirhona leh Drdon Fruit chinna atana hmanraw mamawh semchhuahna neih a ni a, he hun hi Lunglei HPC Vice Chairman, Lawm-awma chuan a hmanpui a ni. He huna tarlan a nih danin Dragon fruit hi Lunglei District-ah kum 2013 atang khan chin niin an tharchhuah pawh kumtin a pung chho mek zel a. Nikum 2019 khan quintal 147.35 tharchhuah niin hei hi Rs. 36,83,750 man nia chhut a ni a, kumin hian quintal 140.70 tharchhuah tawh niin tharchhuah belh mek zel a ni bawk. Nimin a Training-a tel te hnenah hian Dragon fruit (zung neisa) 600, leitha, kut kawr, tui pekna leh hmanraw dang bakah sum fai Rs. 60,000 theuh sem nghal a ni bawk.


Jail tang te zir tur sawiho

Nimin khan Mamit-sh District Bawrhsap, Dr. Lalrozama hovin Jail tangte thiamthil zirtirna tur chungchang ngaihtuah a ni a, he hunah hian Bawrhsap chuan Mizoram Prison Manual, 2017 para 15.04 zulzui a duan Jail tangte tana thiam thil, Jail atanga an chhuah hnuah pawh an chhawr tangkai chhunzawm theih tur zirtir an nih theihna atana Department hrang hrang hmalakna chu lawmawm a tih thu a sawi. He thutkhawm a tel te hian Jail tang te tan Pa khawi dan leh Off-Season-ah Tomato, Zikhlum, Hmarcha, Changkha leh Bawrhsaibe te tharchhuah a nih theih nan a chin dan zirtir nise an ti a. Heng bakah hian Khuai khawi dan te, Sahbawn tui leh Mombati siam dan te pawh zirtir nise an ti bawk.


Quarantine-na tur neih ngai

Aizawl District Deputy Commission chuan thuchhuah siamin Aizawl District chhunga PSUs, Companies, Consultant Firms, etc leh hmasawnna ruhrel/hna thawktu, State pawn atanga Worker/Labourer chah chhuak tur reng rengin an mi rawih te quarantine na hmun tur, anmahni puala an enkawl vek an nei tur a ni tih a tarlang.


MPYCC in sawrkar an phut

Mizoram Pradesh Youth Congress Committee (MPYCC) chuan Village Council leh Local Council inthlan kaihhnawiha COVID-19 kai te chu sawrkar in zangnadawmna pe se an duh thu an sawi a. Hripui len laia mipui tana thudik thehdarh kawnga engkim huama thawktu Journalist te chu Frontline Workers-a pawm turin an phut bawk.


VIP tana CCC siam tha ti lo

BJP Mizoram Pradesh chuan VIP te tana hmanhmawh taka Covid Care Centre (CCC) siam a ni chu tha an tihloh thu thuchhuah siama tarlangin, “India ram Home Minister meuh leh MP tam tak te pawh COVID-19 positive an nih khan Hospital pangngai ah an dah mai a ni,” an ti bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »