YMA Day pual in In sak hnatlang nei

Nimin June 15-a YMA Day denchhenin Mimbung Branch YMA chuan chhungkaw pakhat chenna In sak sakin Sazep Branch YMA ten In sa mek chhungkaw pahnih hnatlang in an pui bawk.

Mimbung Branch YMA te hian kumin a YMA Day denchhen hian nimin khan an khua a chhungkaw pakhat chenna In an sak sak a, he In hi a dung ft. 24 leh a vang ft. 12-a zau, Assam Type a sak niin he hnatlang ah hian mi 230 zet an thawkchhuak a, bialtu MLA, L. Thangmawia chuan In chung tur Rangva leh a bang tur Tile a tum sak bawk a ni.

Hetihlai hian Champhai District chhunga awm, Sazep Branch YMA te pawhin nimin a YMA Day pual hian an huamchhunga chhungkaw pahnih te In sak mek chu hnatlang in an pui bawk a, Sazep YMA President, C. Vanlalvunga chuan an member In sa mek te, Hripui leng avanga sa zawm thei lo, lo lam hnathawh tul leh Fur in a nan zui tak avanga sa zawm thei lo chhungkaw hnih te chu chu hnatlang hian an puih thu a sawi a ni. Sazep khua hi kum 1888 khan din niin YMA member 450 an awm mek a ni.