VLTF ten chawhmeh hlan

Kanghmun South VLTF te chuan nimin khan Serchhip District chhunga khunghran mek te tan chawhmeh chi hrang hrang chu Addl. DC, HD. Lalpekmawia hnenah an hlan.
Heng thilpek hlanna hun hi DC Office tualah neih a ni a, Kanghmun ‘S’ VLTF aiawhin VCP, David-a leh Secretary bakah VLTF member 4 ten an khaw mipuite thawhkhawm chawhmeh chi hrang hrang an rawn hlan a. An thilpekte hi Maian tel 70, Antam tel 80, Chingit tel 10, Phuihnam tel 15, Tel pack 3, Hmarcha dip pack 3, Dawlzik tel 1, Iskut hnah tel 1, Theihai pum 80 leh Dal Kg. 2 a ni a, hengte hi District Level Task Force in tul leh remchang a tih anga hman turin an hlan a ni.
He hunah hian Addl. DC chuan District chhungah khaw bengvar tak tak an awm chu vanneih thlak a tih thu a sawi a, Kanghmun ‘S’ VLTF hruaitu te leh khaw mipuiten hah tak an thawh-chhuah chawhmeh chi hrang hrang an rawn pekte chu a hlu hle a ni, tiin lawmthu a sawi bawk.

Comments

Chhiar Hlawhte