Mi 558 zet man tawh

Zonuna Kawlni /
Serchhip District Addl. SP, PC. Laltanpuia chuan kumin May ni 4-a The Mizoram (Containment and Prevention of Covid-19) Ordinance, 2020 hman a nih hnuah Serchhip District Police te chuan nimin thleng khan mi 558 an man tawh thu sawiin, heng mite pawisa chawi tlingkhawm hi Rs. 89,400/- a nih thu a sawi a. Heng Dan bawhchhia an man zingah hian Vantlang hmun-a Hmai tuamna hmanglo chu a tam ber an nih thu a sawi bawk. Thudawn danin nimin bikah Dan bawhchhia mi 6 chiah man an awm a, heng zinga 4 hi Police Flying Squad te man niin mi 2 chu Chhingchhip-a man an ni bawk.

Addl. SP chuan Lockdown kalpui mek ah Duty Post te siamin Police te khawpui chhung ah ngawrh taka an Duty chhunzawm zel thu a sawi a, hei bakah hian zan lamah te pawh Patrolling te neiin lirthei nen khawpui chhung an fan thin thu a sawi bawk.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »