Thuthar thenkhat :

Mi 18 te hnenah Temporary ILP pek a ni tawh

Mizoram sawrkarin India mi, hnamdangte hnenah Temporary Inner Line Permit (ILP) pek a phal hnuah mi 18 hnenah ILP pek a ni tawh. Mizoram sawrkar Home Department chuan June 6, 2020 atang khan temporary ILP pek a phal a, Temporary ILP hmang hian Lengpui Airport atangin hnamdang pahnih leh Vairengte kaltlangin mi 16 an rawn lut tawh a; Bairabi leh Zawlnuam kaltlanga rawn lut an la awm lo thung.

DC tin te lehkha thawn

Mizoram Sawrkar Disaster Managment and Rehabilitation Secretary chuan Mizoram a DC tin hnenah lehkha thawnin Veng leh khaw tina Local/Village Council, tlawmngai pawl leh LLTF/VLTF te chu COVID-19 darh zel lohna tura tan an lakna kawngah te, mipui inveng fimkhur tura information mike kaltlanga thu an puan thinah leh Social Media kaltlanga thu-chhuah an siamah COVID-19 natna veitute rilru leh thinlung ti na lo tura ngen tur leh zirtir a hrilhfiah turin a ngen.

Thuthang diklo tih sawi

Mizoram Chief Minister Office chuan nimin khan thuchhuah siamin tunhnaiah Chief Minister’s Office in CM Relief Fund a sum hmuhna leh hmanna dil an pechhuak duhlo anga sawina a awm nia tarlangin, hei hi thu belhchiandawllo  a ni tih an tarlang a. Chief Minister’s Office hian CM Relief Fund chungchangah zawhna lehkha dawn chhanloh a neih loh thu leh CM Relief Fund a sum hmuh leh hmanna te hi Minister leh MLA te hnenah pek thin a nih mai bakah mipui hriattur a tarchhuah ziah thin a nih thu an tarlang bawk.