Serchhip-ah PM-SVANidhi khuhhnawnna nei

Nimin khan Serchhip-ah PM Street Vendor’s Atmanirbhar Nidhi (PM-SVANidhi) Scheme 2020 khuhhnawnna neih a ni a, he hun hi Serchhip District Bawrhsap, Dr. Lalzirmawia Chhangte chuan a hmanpui a ni.

UD&PA Department bultuma Serchhip DC Meeting Hall-a PM-SAVAnidhi khuhhawnna ah hian District Bawrhsap, Dr. Lalzirmawia Chhangte chuan COVID-19 avanga rampuma inkharkhipna (Lockdown) kalpui anih vanga India ram khawpui hrang hranga Kawtthler-a thil zuara inpho thin (Street Vendor) ten an dinhmun an siamthat lehna tur atan sawrkar laipui in ruahmanna thar, PM Street Vendor’s Atmanirbhar Nidhi (PM-SVANidhi) a ruahman chu lawmawm a tih thu sawiin, he ruahmanna hnuaia hamthatna dawng thei turte pawh hlawhtlinna atana hman tum turin a chah bawk.

He hun kaihruaitu Serchhip District Urban Development Officer, Vanthangpuii chuan PM-SVANidhi kalphung tlangpui sawiin, COVID-19 avanga rampuma inkharkhipna (Lockdown) kalpui anih vanga India ram khawpui hrang hranga khawlai a thil zuara inpho thin (Street Vendor) ten an dinhmun an siamthat lehna tur atan sawrkar laipui ruahmanna a nih thu a sawi a, PM-SVANidhi Programme hi India ram pumah Street Vendor nuai 50 te tan ruahmanna siam a ni a, he Loan hi a pung (Interset) tlem te niin Loan lakna atan a dahkham (Mortgage) ngailo niin March, 2022 thleng hman tura duan a ni. He hunah hian kumin Financial Year (2020-2021) atan DAY-NULM hnuaia Self Employment Programme (SEP) kalpui dan tur sawiho nghal a ni bawk.