MZP in Online Class kalpui chhunzawm loh an duh

/
MZP General Hqrs. hruaitute chuan nimin khan School Education Minister, Lalchhandama Ralte chu a Pisa-ah hmuin Inkharkhip kalpui anih avanga Zirlaite harsatna tawh hrang hrang an sawipui.
School Education Minister hnenah hian MZP hruaitute chuan zirna In hrang hrang ten naupangte hmakhua ngaia an Thluak chawl tur ven nana Online Class an kalpui chu tha an tih thu sawiin, chutih rual chuan kan rama Internet Signal chak tawk loh avangte, chhungkaw pakhata zirlai pakhat aia tam awm ten Online Class zawm nan Smart Phone an mamawh theuh avang leh hei hi chhungkaw tam tak tan phurrit a nih bakah sawrkarin Omit portion a la siam fel loh avangin zirtirna pek tur chin pawh engmah a la chian loh laia Online Class lo kalpui chu chhungkaw harsa zawk leh nu leh pa tam tak tan harsatna lian tak a ni mek tih an sawi a. Hei vang hian tun dinhmunah Online Class chu kan la zolo nia a lan thu sawiin, Online Class kalpui chhunzawm anih loh nana hmala tur leh zirna kalpui anih loh laia Hostel Fee la an awm loh nana hmala turin Minister chu an ngen a ni.
Hei bakah hian MZP chuan Education Minister hmalaknaa Central Board of School Education (CBSE) leh Central for the Indian School Certificate Examination (CISCE) hnuaia pawl 10 leh pawl 12 exam la zo lo, Mizoram lama lo haw tawh Mizo naupang 100 dawn ten July thlaa Exam an neih turah Education Minister leh Department lamin ngenna an thlen hnuah Mizoram Centre siam a ni ta chu lawmawm an tih thu an sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »