Maharashtra-a awm ten Mizoram an rawn thleng ta

Rampawn-a Mizoram mi leh sa hruai haw mekah Maharashtra atanga rawn haw te chuan nimin tlai khan Bus hmangin Mizoram an rawn thleng a, Bairabi-ah lo dawnsawn an ni.
Mumbai a\anga rawn chhuak Shramik Train hi June ni 2, 2020 tlai-a Bairabi Rel chawlhhmun rawn thleng tur a beisei a nih laiin, Badarpur leh Lumding inkarah leimin-in Rel kawng a tihchhiat avangin Guwahati-ah phurhlet leh an ni a. Mizoram sawrkar leh Assam sawrkar indawr nghalin Assam sawrkar Bus 68 hmangin nizan hmasa khan Guwahati an rawn chhuahsan a, nimin tlai khan Bus hmasa ber hi rawn thlengin nizan zanrei thleng khan rawn thleng zui tura beisei a ni.
Tun \uma rawn haw te hi Bairabi-ah hian Screening tih ni tawh lovin Bus pakhat-a rawn chuang te hi Bus pakhat-ah bawk chuang leh nghalin anmahni District \heuh ah kaltir nghal zel an ni a, an District \heuh-a an awmna tur Quarantine Facility an thlen hunah RT-PCR test turin Swab Sample lak sak an ni dawn a ni. Tangkhang rawn haw te phur tur hian Mizoram sawrkar chuan Bus 89 a ruahman a, an lo haw chhohna Bus hmang hian Jharkhand-a haw tur Rel kawng chhiat vanga Bairabi-a tang zui ta mi 1365 an haw thla ve nghal ang.
Maharashtra a\anga rawn haw zingah hian Serchhip District mi 62 an tel nia thudawn a ni a, Bus pahnih hmanga Serchhip rawn panin Bus pakhat ah mi 29 chuangin Bus pakhat zawkah mi 33 an rawn chuang nia thudawn a ni bawk.

Comments

Chhiar Hlawhte