Minister hovin Board thutkhawm neih a ni

Land Resources, Soil & Water Conservation Minister, R. Lalzirliana hovin nimin khan a Pisa-ah Rubber & Allied Crops Development Board thutkhawm neih a ni.

He thutkhawm ah hian Mizoram chhungah hectare 46,000 vela zau-ah Rubber chinna atan ram tha a awm tih tarlan niin Meeting hian chung ram tikhat tura Rubber ching duh loneitute zawnchhuah hna chu District tinah kalpui an rel a, NABARD loan atanga Rubber Plantation leh Rubber Processing Project proposal pawm a nih chuan, hmalak nghal theih turin beneficiary list peihfel nise an ti a. Sawrkar kum thar atan Hmunphiah, Kuhva leh Sandalwood te ching duh loneitu list tun atanga lakkhawm ni bawk se an tih bakah Land Resources, Soil & Water Conservation Department ten Division hrang hrangah Kuhva ching leh kuhva atanga sum leh pai an thawhchhuah zat te record nei tura rel a ni bawk.

Hei bakah hian COVID-19 hripui dolet nan Governor, MLA te, sawrkar hnathawk leh mimal thahnem ngai te pawhin sawrkar-ah an hlawh leh thilpek sum chhunga tan an lak lai a nih avangin Mizoram Flagship Programme, Socio-Economic Development Policy (SEDP) atanga ruahmanna Board-in a neih thenkhat te pawhlet nise an ti bawk.