Mizoram tan COVID-19 test-na khawl rawn thlen belh

/
Mizoram Science, Technology & Innovation Council (MISTIC) leh Health Department tangkawp hmalakna in nimin khan COVID-19 test-na tur, RT-PCR Quant StudioTM 5 leh test-na atana hmanraw pawimawh engemaw zât chuan Mizoram a rawn thleng.
COVID-19 Test-na tur RT-PCR Quant StudioTM 5 hi nimin zing dar 10:30 khan Mualpui Helipad-ah Chartered Helicopter-in Imphal atangin rawn phurh thlen a ni a. Tunhnaiah COVID-19 Sample test tur a pun nasat avangin khawl indaihlohna phuhrukna tura hmalakna a ni.
Mizoram-a COVID-19 Test-na khawl neih belh a nih theih nn hian Planning Secretary, Dr. C. Vanlalramsanga, MISTIC Executive Committee Chairman ni bawkin theihtawpa hma lain, Sawrkar laipui Department of Biotechnology hnuaia inrelbawlna hrana din (autonomous body), Institute of Bio-resources & Sustainable Development (IBSD) Imphal hnenah dilna a thlen a. Dilna hi Health Minister, Health Secretary leh ZMC hotute’n thlawpin, khawl kan neih ngei theih nan theihtawp an chhuah a ni.
COVID-19 test-na tur RT-PCR Quant StudioTM 5 leh hmanraw dangte hi ZMC COVID-19 Testing Laboratory panpui nghal niin, MISTIC Scientific Officers te leh IBSD Scientist ten a hmunah installation leh test run-te an neihpui nghal a. Mizoram-in khawl thar a neih hma leh ZMC-in an mamawh chhung chu he khawl hi hman tura ruahman a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »