Mizoram-ah Rajya Sabha MP thlanna nei dawn

Mizoram Rajya Sabha MP thlanna chu tun thla, June 19 khian neih a ni dawn a, nimin khan inthlan hriattirna pawh tihchhuah nghal a ni.
Election Commmission of India (ECI) chuan nimin khan thuchhuah siamin Mizoram Rajya Sabha Member, Ronald Sapa Tlau term kallai chu thla thar, July 18, 2020 khian a tawp dawn tih tarlangin, hei vang hian inthlanna neih a nih tur thu hi a puang a. Disaster Management Act hnuaia National Executive Committee (NEC)-in inkaih-hruaina a siam tlawhchhanin Rajya Sabha MP thar thlanna hi neih tura tih niin hemi ang hian nimin khan inthlan hriattirna hi tihchhuah a ni a, inthlan chuh tum te tan hian tun thla ni 9 thleng hming pekluh theih a ni anga, chuh tuma hming pekluh te chu a tuk, June 10-ah endikin inhnuk-dawk duhte tan June 12 thleng hun hawn a ni ang. Rajya Sabha MP thlanna ah hian State Assembly-a Member ten vote neiin Vote nei te hian June 19-ah Vote thlakin zing dar 9:00 atanga tlai dar 4:00 thlengin Vote hi thlak theih a ni anga, hemi ni tlai dar 5:00-ah Vote tla te hi chhiar nghal a ni ang.

Comments

Chhiar Hlawhte