Mizoram-ah COVID-19 kai hmuh belh zel an ni

Nizan hmasa khan Mizoram-ah COVID-19 kai hmuhchhuah thar mi 9 an awm leh a, heng mite nen hian tun thlengin Mizoram-ah COVID-19 kai hmuhchhuah mi 102 an awm tawh a ni.
Zoram Medical College (ZMC)-a Laboratory-ah niminpiah khan Sample 135 enfiah leh niin heng Sample enfiahna result hi nizan hmasa khan hriat niin mi 9 te chuan COVID-19 an kai tih hmuhchhuah a ni a, heng mite hi mipa 2 leh hmeichhia 7 niin Aizawl District mi 8 leh Mamit District mi 2 te an ni. Tun tuma COVID-19 positive hmuhchhuah zingah hian Delhi atanga rawn haw tam berin mi 5 te hi Delhi atanga rawn haw an ni a, Maharashtra atanga rawn haw mi 3 leh West Bengal atanga rawn haw mi pakhat niin an zinga mi 8 hi Quarantine Centre-a awmlai leh midang pakhat hi Home Quarantine lai a ni a, mi 8 te hi Symtom neilo niin an zinga mi pakhat hi Symtom nei leh ZMC-a enkawllai a ni bawk.
Heti hian Mizoram-ah COVID-19 kai hmuhchhuah mi 102 an awm ta a, heng mite hi mipa leh hmeichhia 51 ve ve niin an zinga mi pakhat chu enkawl dam ni tawhin mi 101 te chu enkawl mek an ni a, Lunglei District-ah COVID-19 kai hmuhchhuah tam berin 45 hmuhchhuah an ni tawh a, Aizawl District-ah 21, Kolasib District-ah 11, Mamit District-ah mi 9, Champhai District-ah mi 5, Lawngtlai District-ah mi 4, Sairual District-ah mi 3, Khawzawl District-ah mi 2 leh Serchhip leh Siaha District-ah mi 1 ve ve hmuhchhuah niin Hnahthial District-ah erawh hmuhchhuah an la awm ve lo thung a ni.

Comments

Chhiar Hlawhte