Kawngkam-a inzuar thin tan ruahmanna siam a ni

COVID-19 avanga inkharkhipna kalpui in an eizawnna a tih khaihlak kawngkam dawr (Street Vendor) ten bul an tan leh theih nan sawrkar laipui chuan Micro-Credit Facility Scheme thar a siam.
Hemi chungchanga sawrkar thuchhuah tarlan danin Micro-Credit Facility Scheme siam thar, PM SVANiDHI-Pradhan Mantri Street Vendor’s Atma Nirbhar Nidhi hi nimin khan tlangzarh a ni a, he Scheme hnuaiah hian kawngkam dawrkaite’n bultan thatna atan loan an puk thei dawn a ni. He Scheme hi Ministry of Housing and Urban Affairs siam niin kawng-kam dawrkaite hi khawpui chhunga chengte’n hmun hla zawk kal ngai lova awlsam taka an mamawh an lam theihna an nih avangin khawpui economy ah chanvo pawimawh tak an nei tih a tarlang a, kawngkam dawrkai-te hi an awmna hmun a zirin Hawker, Thelewala, Rehriwala, Theliphadwala leh hming dang a hriat an ni a. Chawhmeh leh thingpui bakah nepnawi zuar te ni berin, lumehte, pheikhawk siamte, kuhva/pan zawrhte, thawm-hnaw suk leh thildangte pawh a huam a ni.
PM SVANiDHI-Pradhan Mantri Street Vdndor’s Atma Nirbhar Nidhi hi March ni 24, 2020 atanga inzuarchhuak thei tawhlo, thingtlang huamchin khawlian deuh leh khawpui leh a chhehvel tiamin khawpui chhung a kawngkam dawrkai nuai 50 chuangte’n an chhawr tangkai theih beisei a ni a. He scheme hi March 2022 thleng kalpui tura ruahman a ni. Tun tum hi khawpui chhunga chengte puala hmalakna siam Urban Livelihoods Programme hnuaia thingtlang huamchhung khawlian leh khawpui chhehvel a chengte huam tel an nih vawikhatna a ni.
He ruahmanna hnuaiah hian kawngkam dawrkaite hian thla bi a kum khat chhung a rulh zawh turin sum lu atan Rs.10,000 thleng loan an puk thei dawn a. Loan rul tha leh rul zo hmate pualin kum khat chhunga a pung atanga 7% chu subsidy angin a kal dawn a, hei hi thla ruk danah Direct Benefit Transfer hmangin beneficiary-te account ah thun a ni ang.

Comments

Chhiar Hlawhte